Реал Мадрид кийим алмаштириш хонасида вазият кескинлашмоқда. Испания матбуотида тарқалган хабарларга кўра, жамоа ичида мураббий Алваро Арбелоага нисбатан норозилик кучайган ва футболчилар ўртасида жиддий келишмовчиликлар юзага келган. "Марка" нашри олти нафар футболчи бош мураббий билан мулоқот қилишдан бош тортаётганини маълум қилди. Бу ҳақда Goal.com хабар беради.
Вазият айниқса машғулотлар чоғида авж олган. Федерико Вальверде ва Аурелиен Тчоуамени ўртасида юз берган жанжал муштлашувга айланиб кетишига сал қолди. Натижада, Федерико Вальверде жароҳат олиб, шифохонага ётқизилишига тўғри келди. Клуб раҳбарияти ушбу воқеани "жуда жиддий" деб баҳолади.
Клуб президенти Хосе Ангель Санчез юзага келган инқирозни бартараф этиш мақсадида шошилинч йиғилиш ўтказди. Жамоа ичидаги муҳит "порох бочкаси"га қиёсланмоқда, чунки Винисиус Жуниор, Кйлиан Мбаппе ва Жуд Беллингем каби юлдузлар ўртасида ҳам тушунмовчиликлар кузатилмоқда.
Бундан ташқари, Дани Себаллоснинг мураббий билан муносабатлари узилгани, Дани Карважалнинг эса жамоадаги ўрнидан норози экани маълум бўлди. Антонио Рюдигер ва Алваро Каррерас ўртасидаги аввалги можаро ҳақидаги миш-мишлар эса ўз тасдиғини топмади. Реал Мадрид раҳбарияти мавсум якунига қадар жамоада барқарорликни тиклашга уринмоқда.
“Zamin”ни Telegram'да ўқинг!
