Туркиянинг "Серик Беледиеспор" клуби собиқ бош мураббийи Сергей Юран жамоани бошқаришга келишидан олдин Туфан Садигʻов билан суҳбатлашганини айтиб ўтди. Юраннинг сўзларига кўра, инвестор унга Россиянинг "Химки" клуби билан боғлиқ вазият Туркияда такрорланмаслигини кафолатлаган.
Эслатиб ўтамиз, "Химки" 2025/2026-йилги мавсум учун Россия Футбол Иттифоқидан лицензия ола олмади ва мусобақадан чиқиб кетди, кейинчалик эса банкрот бўлиб, фаолиятини тўхтатди. "Бошланишида мутлақо бошқача ваъдалар берилган эди.
Менинг "Серикспор"га бош мураббий сифатида келишимдан олдин Туфан Садигʻов билан гаплашдик. У менга Туркияда клубнинг бюджет бошқача бўлишини, барча тўловлар ўз вақтида амалга оширилишини айтди," – дея Юраннинг сўзларини келтиради "Спорт-Экспресс" нашри.
Шу билан бирга, мутахассис чет эл чемпионатида ўз кучини синаб кўрмоқчи бўлганини, лекин айрим хавотирлар ҳам бўлганини яширмади. Натижада "Серик" ҳам кўп ойлик ойлик қарзларига дуч келди ва Юран клубни тарк этди.
Меҳмон гуруҳидаги фойдаланувчилар ушбу мақолага изоҳ қолдира олмайди.
