“Комо” жамоасининг ҳужумкор ярим ҳимоячиси Николас Пас А Серияда ўз маҳоратини намоиш этishda давом этмоқда. Жума куни 21 ёшли футболчи “Сассуоло” устидан 2:0 ҳисобида қўлга киритилган ғалабада жамоасига муҳим ёрдам кўрсатди ва битта голли узатмани амалга оширди.
Opta маълумотларига кўра, аргентиналик футболчи жорий мавсумда Европанинг бешта етакчи лигасида 5 та гол ва 5 та ассист кўрсаткичига эришган иккинчи ўйинчи бўлди. Бунгача бу натижани “Бавария” аъзоси француз Майкл Олисе қайд этган бўлиб, унинг ҳозирги кўрсаткичи 6+6 ни ташкил қилади.
Николас Пас Италия чемпионати ассистлар рўйхатида 5 та голли узатма билан етакчилик қилмоқда. Шунингдек, ёш юлдуз ҳисобида 5 та гол ҳам мавжуд.
“Комо” жамоаси А Сериянинг турнир жадвалида 13 ўйиндан сўнг 24 очко билан олтинчи ўринни эгаллаб турибди.
Меҳмон гуруҳидаги фойдаланувчилар ушбу мақолага изоҳ қолдира олмайди.
