Лапорта Араухони қўллаб-қувватлади

Барселона президенти Жоан Лапорта Челси билан бўлган Чемпионлар лигаси ўйинида қизил карточка олган ҳимоячи Роналд Араухони танқид қилганларга жавоб берди. "Мен Араухони ҳимоя қилишни ва уни қўллаб-қувватлашни истайман.

У катта танқидларга дуч келди, бу эса адолатсиз. У майдонда бор кучини ишга солади.

У бизнинг етакчимиз. У бу даврни босиб ўтиши керак.

Мен унга айтдимки, биз биргамиз: ғалаба ҳам, мағлубият ҳам биргаликда бўлади. Биз битта жамоамиз", – деди Лапорта Barca Universal нашрига берган интервюсида.

Эслатиб ўтамиз, Чемпионлар лигасининг гуруҳ босқичи 5-тури доирасидаги ўйинда Барселона сафарда Челсига 0:3 ҳисобида мағлуб бўлди. Каталонияликлар 44-дақиқадан бошлаб камчиликда ўйнашган эди.

Ravshan

«ZAMIN.UZ» муҳаррири