Ўзбекистон миллий терма жамоасининг асосий дарвозабони, жароҳатдан кейин тикланиш жараёнида бўлган Ўткир Юсупов янги манзилга яқин турибди. Нашрлар ва ишончли манбаларга кўра, у яқин орада “Андижон” клубига қўшилиши кутилмоқда.
Бунга асосий сабаб — ЖЧ-2026 саралаш босқичи олдидан Юсуповнинг мунтазам ўйин амалиётига муҳтожлиги. Айнан шундай имкониятни унга Самвел Бабаян бошчилигидаги “Андижон” тақдим қилиши мумкин.
🔵 “Фулад”да вазият қандай?
Ҳозирги кунда Юсупов тўп суриб келаётган Эроннинг “Фулад” клубида асосий дарвозабон сифатида Ҳамид Лак майдонга тушмоқда. Шу боис, Юсуповнинг ўйин амалиёти чекланган ва бу унинг миллий жамоага янада тайёр ҳолда келишига тўсқинлик қилиши мумкин.
🔵 “Андижон”да Юсупов учун янги имконият
Самвел Бабаян қўл остида жамоа янги мавсумга жиддий тайёргарлик кўрмоқда. Дарвозабон позициясида рақобатни кучайтириш, жамоа ҳимоясини мустаҳкамлаш учун етакчи посбонга эҳтиёж кўпдан буён тилга олинаяпти.
Шу нуқтайи назардан, Ўткир Юсуповнинг келиши:
жамоанинг мудофаа тизимига қўшимча ишонч;
терма жамоа учун эса юқори формадаги дарвозабон;
каби муҳим омилларни таъминлайди.
Юсуповнинг “Андижон”га ўтиши расман эълон қилинса, бу клуб учун ҳам, миллий жамоа учун ҳам катта ютуқ бўлади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
