date

Роналду ва Тожикистон ҳақида ёлғон хабарлар тарқалди

Роналду ва Тожикистон ҳақида ёлғон хабарлар тарқалди
Матбуотда Криштиану Роналду Тожикистонга, Осиё Чемпионлар Лигаси 2 босқичи доирасида "Истиқлол" жамоасига қарши ўйин учун учиб бормаганлиги ҳақида хабарлар пайдо бўлди. Ушбу маълумот ҳақиқатга зид ва ёлғон эканлиги маълум қилинди.

Гап шундаки, Роналду бош мураббий Жорже Жезуш билан маслаҳатлашган ҳолда, Осиё Чемпионлар Лигаси 2 босқичининг гуруҳ ўйинларида иштирок этмасликка қарор қилган эди. Сентябрь ойида ўтказилган матбуот анжуманида Жезуш бу қарорни тасдиқлаб, 40 ёшли футболчи саломатлигини эътиборга олган ҳолда бундай қарорга келинганлигини тушунтирган эди.

"Ал-Наср" жамоасининг Осиё Чемпионлар Лигаси 2 босқичидаги аввалги тўртта ўйинида ҳам Роналду майдонга тушмаган. Шундай экан, футболчининг бешинчи ўйинга учиб боришдан бош тортгани ҳақидаги хабарлар ҳақиқатдан йироқ.

Маълумот учун, Осиё Чемпионлар Лигаси 2 – бу Осиёдаги иккинчи даражали клублар ўртасидаги мусобақа ҳисобланади. Криштиану Роналдунинг "Ал-Наср" билан амалдаги шартномаси 2027-йил ўрталаригача тузилган.

Ctrl
Enter
Хато топдингизми?
Иборани ажратиб Ctrl+Enter тугмасини босинг
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Янгиликлар » Спорт » Роналду ва Тожикистон ҳақида ёлғон хабарлар тарқалди