«Барселона» бош мураббийи Ханси Флик жамоанинг навбатдаги учрашув олдидан ҳолати ва тайёргарлик жараёни ҳақида батафсил тўхталиб ўтди. Унинг айтишича, яқинда қайд этилган 0:3 ҳисобидаги йирик мағлубият жамоа руҳиятига жиддий таъсир кўрсатган, аммо футболчилар бундан хулоса чиқариб, янада кучлироқ ишлаяпти.
Фликнинг таъкидлашича, ўша натижа барчани ранжитган, чунки «Барселона» ўша ўйинга фақат ғалаба учун тушган эди. Бироқ мураббий вазиятни ортда қолдириш ва олдинга қараш вақти келганини айтади:
«Ўтган ўйиндаги натижа ҳаммани xaфa қилди. Лекин бўлиб ўтгани ўтди. Энг муҳими — бугунги меҳнатимиз ва қай даражада ўсаётганимиз», — дейди у.
🔵 Жамоада ижобий ўзгаришлар
Флик машғулотлардаги руҳиятдан мамнун. Унинг фикрича, жамоа ҳозир юқори темпда ишлаяпти, ўйинчиларда маҳорат ҳам, истак ҳам етарли.
Энг яхши янгиликлардан бири — Педрининг сафга қайтиши. Шунингдек, грипп сабабли ўйинларда қатнашмаган Рафинья ва Маркус Рэшфорд ҳам тикланиб бормоқда.
Флик Рафиньяни жамоа учун энг муҳим фигуралардан бири сифатида кўради:
«Рафиньясиз ўйин фалсафамизда катта бўшлиқ сезилди. У ҳимояда ҳам, прессингда ҳам, ҳужумни бошлашда ҳам биз учун асосий вазифаларни бажаради. Ўтган мавсумдаги голлари тасодиф эмас — бу унинг даражаси», — деди мураббий.
Фликнинг айтишича, бразилиялик вингер яна ўша юқори формасига қайтиб, жамоага янги куч қўшишни истаяпти.
🔵 «Барселона»да руҳий тикланиш бошланди
Мағлубиятдан кейинги қийин паллага қарамай, жамоа аста-секин тикланаяпти. Фликнинг фикрича, асосий мақсад — ишончни тиклаш ва кейинги ўйинда ўз сўзини айтиш.
Футболчилар сафининг тўлиқлана бошлаши ва муҳим ўйинчиларнинг тикланиши клуб мухлисларига ҳам умид беради.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
