Аргентина футбол чемпионатида ноодатий воқеа юз берди: ҳакам мезбон жамоа шифокорларига қизил карточка кўрсатди. Воқеа "Годой Круз" ва "Депортиво Риестра" клублари ўртасидаги ўйинда содир бўлди.
39-дақиқада меҳмон жамоа футболчиси Александр Диас жароҳат олди ва унга тиббий ёрдам керак бўлди. "Годой Круз" мезбон жамоа бўлгани учун уларнинг тиббий хизмати Диасга ёрдам бериш учун майдонга чиқди.
Футболчининг жароҳати сабабли уни майдондан вақтинча олиб чиқиш зарур эди. Диасни ходимлар носилкада олиб чиқаётган пайтда у кутилмаганда носилкадан сакраб тушди ва ўз оёғида майдон четига югуриб кетди.
Буни кўрган "Депортиво Риестра" футболчилари мезбон жамоа шифокорларини вақтни чўзишда айбладилар, гўёки улар атайлаб секин ҳаракат қилишган, Диас эса сабрсизланиб майдонни ўзи тарк этишга қарор қилган. Шу сабабли майдонда жанубий америкаларга хос қизғин баҳс юзага келди.
Ҳакам низони бартараф этиш учун "Годой Круз" жамоаси шифокорларига қизил карточка кўрсатди. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
