Франциянинг "Лион" клуби молиявий йилни катта йўқотишлар билан якунлади. Бу ҳақда L'Équipe нашри хабар берди.
28-ноябр куни клубнинг 2024-2025 молиявий йилига оид ҳисоботлари эълон қилинди. Ҳисоботга кўра, клуб 201,2 миллион евро йўқотган, бу ўтган йилга нисбатан 176 миллион еврога кўпроқдир.
Эслатиб ўтамиз, ўтган ёзда "Лион" молиявий муаммолар сабабли қуйи лигаларга тушиб кетиш арафасида эди ва раҳбарият ўзгаришига дуч келди. Шундан сўнг, клуб бошқарув тизими бутунлай қайта ташкил этилди, умумий иш ҳақи миқдори ва инвестициялар камайтирилди.
Жамоа Еврокубокларда иштирок этиш ҳуқуқини жарима эвазига сақлаб қолди. Шу билан бирга, клубнинг кейинги йиллардаги мусобақаларда қатнашиши учун умумий молиявий дефицит 60 миллион евродан ошмаслиги керак.
Меҳмон гуруҳидаги фойдаланувчилар ушбу мақолага изоҳ қолдира олмайди.
