Яқинда "Ал-Иттиҳод" ва "Ал-Наср" жамоалари ўртасидаги ўйинда собиқ "Реал" ҳамкасблари Карим Бензема ва Криштиану Роналду майдонда тўқнаш келишди. Ушбу учрашув ҳақида Бензема ўз фикрларини билдирди.
"Бир неча ҳафта олдин "Ал-Наср" ва "Ал-Иттиҳод" ўртасида ўйин бўлиб ўтди, яъни Роналду ва Бензема майдонда бир-бирларига қарши ўйнашди. Баъзи журналистлар майдон четидаги саломлашувни совуқ деб баҳолашди.
Аммо бу нотўғри. Биз ўйин олдидан кийиниш хонасида гаплашдик, қучоқлашдик ва суҳбатлашдик.
Майдонда эса бу каби ҳаракатларни такрорлаш шарт эмас. Биз бир-биримизга жуда ҳурмат билан қараймиз ва ҳаммаси яхши.
Биз бир-биримиздан кўп нарсаларни ўрганганмиз. Телевизион камералар олдида ниманидир намоиш қилишга эҳтиёж йўқ.
Майдонда эса ҳар биримиз ўз ишимизни қиламиз", – деди Бензема AS нашрига берган интервьюсида. Маълумот учун, Криштиану Роналду "Реал"ни 2018-йилда тарк этган бўлса, Карим Бензема 2023-йилда мадридликлар сафини тарк этди.
Меҳмон гуруҳидаги фойдаланувчилар ушбу мақолага изоҳ қолдира олмайди.
