Сўнгги ҳафталарда матбуот “Реал Мадрид”да Хаби Алонсо ва айрим футболчилар, хусусан Винисиус Жуниор ўртасида келишмовчиликлар борлигини ёзиб келаётганди. Класикодаги алмашинишдан кейинги кескин ҳолат эса вазиятни янада чигаллаштирган эди.
Аммо янги маълумотларга кўра, Алонсо жамоа ичидаги муҳитни тиклашга киришган. У футболчиларни кичик гуруҳларга бўлиб, улар билан қисқа суҳбатлар ўтказди ва фикрларини тинглади. Бу ёндашув жамоа томонидан ижобий қабул қилингани айтилмоқда.
Ички муҳитдаги ўзгариш “Олимпиакос”га қарши ЕЧЛ ўйинида ҳам сезилди. “Реал” 4:3 ҳисобида ғалаба қозонди ва учрашув якунида Алонсо билан Винисиуснинг илиқ қучоқлашгани жамоада таранглик камайганидан дарак берди.
Бу жараён мураббий ташаббусининг натижасими ёки ғалаба қувончими — вақт кўрсатади. Аммо ҳозирча клуб ичида ижобий кайфият кучаяётгани кўринмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
