Италия А Сериясининг 13-тури бир вақтнинг ўзида ҳам интрига, ҳам шахсий маҳоратга бой бўлди. Турнинг икки марказий баҳси — «Милан» – «Лацио» ва «Ювентус» – «Каляри» ўйинлари мухлисларга эсда қоларли лаҳзаларни тақдим этди.
Леау голи «Милан»ни 1-ўринга олиб чиқди
«Сан-Сиро»да ўтган «Милан» – «Лацио» баҳси кутилганидек шиддатли тарзда кечди. Массимилиано Аллегри бошқараётган «россонерилар» рақибни бир гол билан енгиб, муҳим очколарни қўлга киритди.
Бирдан бир урилган гол 51-дақиқада Рафаэл Леау томонидан ижро этилди. Португалиялик вингер навбатдаги индивидуал ҳаракати билан жамоасига ғалаба бағишлади.
Натижада «Милан» ҳисобидаги очколар сони 28 тага етди ва жамоа турнир жадвалида 1-поғонага кўтарилди. «Лацио» эса 18 очко билан 8-ўринни эгаллаб турибди.
А Серия. 13-тур
Милан — Лацио 1:0
Гол: Леау 51
Милан — Менян, Бартесажи, Габбия, Леау, Модрич, Нкунку (Риччи, 82), Павлович, Рабио, Салемакерс, Томори, Фофана (Лофтус-Чик, 65)
Лацио — Проведел, Башич (Нослин, 85), Весино (Деле-Баширу, 62), Гендузи, Гила, Диа (Кастелланос, 62), Исаксен (Педро, 70), Марушич, Пеллегрини (Таварес, 85), Романиоли, Заккани.
Огоҳлантиришлар: Томори 26, Габбиа 64 – Пеллегрини 57, Романиоли 73
Четлатиш: Массимилиано Аллегри 90+7
«Ювентус»да Кенан Йилдиз шоуси — «Каляри» мағлуб этилди
Турнинг яна бир диққат марказидаги беллашуви Туринда кечди. «Ювентус» ўз уйида «Каляри»ни қабул қилди ва ўзининг ёш супер истеъдоди Кенан Йилдизнинг илҳомли ўйини ҳисобига 2:1 ҳисобида зафар қучди.
Ўйиннинг илк қисмида ўзига хос сценарий бўлди:
26-дақиқада меҳмонлар сафида Эспозито ҳисобни очди, аммо орада бир дақиқа ўтмасдан Кенан Йилдиз жавоб голини киритди. Биринчи бўлимнинг қўшимча дақиқаларида Йилдиз дублни расмийлаштириб, «Ювентус»ни олдинга олиб чиқди.
Спалетти шогирдлари ушбу ғалаба билан очколарини 23 тага етказиб, жадвалда 7-поғонага кўтарилди. «Каляри» эса 11 очко билан 14-ўринда қолди.
А Серия. 13-тур
Ювентус — Каляри 2:1
Голлар: Йилдиз 27, 45+1 — Эспозито 26
Ювентус – Перин, Калулу, Келли, Копмейнерс, Маккенни, Локателли, Тюрам (Миретти, 70), Костич (Камбясо, 46), Консейсау (Кабал, 85), Йилдиз (Опенда, 85), Влаҳович (Дэвид, 31)
Каляри – Каприл, Заппа, Луперто, Оберт (Идрисси, 53), Палестра, Фолоруншо, Дейола, Адопо, Литета (Прати, 53), Боррелли, Эспозито (Феличи, 69)
Италия чемпионатида кураш янада қизийди. «Милан» пешқадамликни ўз қўлига олган бир пайтда, «Юве» ёш юлдузлар ёрдамида куч тўплаб бормоқда. Мухлислар эса навбатдаги турларда яна ҳам шиддатли баҳсларни кутиб туришибди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
