Ўзбекистон ўсмирлар терма жамоаси бош мураббийи жаҳон чемпионатидан сўнг ўз лавозимини тарк этди. Бу ҳақда Upl.uz хабар беради.
Цикл якунига етгач, Ислом Исмоилов клуб футболида фаолият олиб боришга қарор қилган. Инсайдерлар маълумотига кўра, Исмоилов Фарғонанинг “Нефтчи” клубини бошқаришга яқин турибди.
Таъкидланишича, 34 ёшли мутахассис амалдаги мураббий Виталий Левченкони алмаштириши мумкин. Шуни қайд этиш жоизки, Виталий Левченко клуб билан 2026 йил охиригача амалдаги шартномага эга.
Бироқ у клубни тарк этиб, Қозоғистон ёки Украинадаги жамоалардан бирини бошқариши эҳтимоли юқори. Эслатиб ўтамиз, Левченко “Нефтчи”ни 24 йиллик танаффусдан сўнг чемпионликка олиб чиққан.
Жамоа келаси мавсумда Осиё Чемпионлар Лигаси Элита босқичида иштирок этади.
Меҳмон гуруҳидаги фойдаланувчилар ушбу мақолага изоҳ қолдира олмайди.
