"Интер" жамоаси якшанба куни Италия чемпионати доирасида "Пиза"га қарши сафар ўйинини ўтказди. Кристиан Киву бошчилигидаги "нерадзурри" жамоаси учрашув давомида устунлик қилган бўлса-да, узоқ вақт гол ура олмади.
69-дақиқагача ҳисоб ўзгармади. Ниҳоят, жамоа сардори Лаутаро Мартинес вазиятни ўз қўлига олди.
Аргентиналик ҳужумчи жарима майдони марказида чап қанотдан берилган узатмани кучли зарба билан дарвоза тўрига жойлаб, "Интер"ни олдинга олиб чиқди. 83-дақиқада Мартинес иккинчи голни киритди.
Николо Барелланинг ўнг қанотдан берган пасини узоқ тиргак яқинида аниқ якунлаб, дублни расмийлаштирди. Шундан сўнг, Лаутаро майдонни тарк этди.
Учрашув "Интер"нинг 2:0 ҳисобигаги ишончли ғалабаси билан якунланди. Ушбу натижадан сўнг "нерадзурри" очколар сони бўйича "Рома"ни қувиб етди.
Энди "Интер" "Милан"дан атиги битта очко орқада бормоқда, аммо "Рома" ҳали кечки ўйинда "Наполи" билан беллашади.
Меҳмон гуруҳидаги фойдаланувчилар ушбу мақолага изоҳ қолдира олмайди.
