“Барселона” футболчиси Ламин Ямал Лионель Мессидан қандай ўрганишлари ҳақида гапирди. 38 ёшли аргентиналик футболчи ҳозирда “Интер Майами” клуби шарафини ҳимоя қилаётган бўлса-да, 2021 йилгача “кўк-анорранглилар” жамоасида ўйнаган.
Ямал эса “Барселона” сафида илк бор 2023 йилда майдонга тушган эди. “Бу ғалати туюлиши мумкин, лекин болалигимда мен дриблинг устаси эмас эдим – аксинча, ҳужумчи эдим ва кўп югурар эдим.
Мен Мессининг пас бериш услубини ўргандим. Бошқа кўплаб футболчилар ҳам яхши пас беришарди, лекин Леонинг паслари деярли ҳар доим голга олиб келарди.
Менимча, пас бериш дриблингдан қизиқроқ, чунки бу ўйиннинг интеллектуал жиҳати,” – дейди 18 ёшли каталониялик клуб юлдузи, унинг сўзларини “Barca Universal” нашри келтирган. Жорий мавсумда Ламин Ямал 14 ўйинда майдонга тушиб, 7 та гол урди ва 9 та голли узатма амалга оширди.
Меҳмон гуруҳидаги фойдаланувчилар ушбу мақолага изоҳ қолдира олмайди.
