Кейинги йил ёзида миллий терма жамоалар ўртасида Жаҳон чемпионати бўлиб ўтади. Opta суперкомпьютери ғолиблик учун асосий даъвогарларни баҳолади.
Жаҳон чемпионати – 2026 мусобақасининг бош фаворити сифатида Испания терма жамоаси кўрсатилган. Суперкомпьютер ҳисоб-китобларига кўра, "қизил фурия"нинг чемпионлик имконияти 17 фоизни ташкил этади.
Рейтингнинг иккинчи поғонасида Франция жойлашган бўлиб, уларнинг имконияти 14,1 фоиз деб баҳоланган. Кучли учликни эса Англия терма жамоаси якунлаб, уларнинг имконияти 11,8 фоизни ташкил қилган.
2022 йилги жаҳон чемпиони бўлган Аргентина терма жамоасининг ўз унвонини ҳимоя қилиш эҳтимоли эса 8,7 фоиз деб баҳоланган. Эслатиб ўтамиз, Аргентина терма жамоаси 2022 йилги жаҳон чемпионати финалида Лионель Скалони шогирдлари пеналтидан сўнг Францияни мағлуб этиб, ғалаба қозонишган эди.
Меҳмон гуруҳидаги фойдаланувчилар ушбу мақолага изоҳ қолдира олмайди.
