'Болонья' ва 'Кремонезе' Италия чемпионатининг 14-турида қаршама-қарши келди. 'Болонья' ғалаба қозониб, А Серия етакчиси билан орадаги фарқни бир очкога туширишни режалаштирган эди.
Аммо, ўйин натижаси бутунлай бошқача бўлди. Биринчи бўлимда 'Болонья' устунлик қилаётган кўринса-да, ҳимоядаги икки қўпол хато уларнинг ҳужумдаги ҳаракатларини бекор қилди.
'Кремонезе'дан Пайеро ва Варди тўрт дақиқа ичида дарвозабон билан яккама-якка ҳолатга чиқиб, гол уришди. Бўлим якунида мезбонлар бир гол фарқни қисқарта олишди – Орсолини қўл билан ўйналган тўп туфайли белгиланган пенальтини аниқ амалга оширди.
Аммо, иккинчи бўлим бошида 'Кремонезе' яна гол уриб, ҳисобни 1:3 кўринишига келтирди. Варди ўзининг 38 ёшида ҳам юқори савияли ҳужумчи эканлигини кўрсатиб, ўз вақтида тўпни дарвозага йўналтирди.
Шундан сўнг, ўйин ташаббуси асосан 'Болонья' томонида бўлди, аммо 'Кремонезе' ўз ҳисобини сақлашга муваффақ бўлди. Якунда ўйин 1:3 ҳисобида якунланди.
'Болонья' 9 ўйиндан иборат мағлубиятсиз сериясини йўқотди ва турнир жадвалида 6-ўринда қолди. 'Кремонезе' эса 11-поғонага кўтарилди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
