Аргентина терма жамоаси ҳужумчиси Лионель Месси жамоа бош мураббийи Лионель Скалони ҳақида ўз фикрларини билдирди. Месси Скалони билан бўлган алоқалари ва унинг жамоага бўлган таъсирини юқори баҳолади.
"Унинг энг яхши жиҳатларидан бири – ўйинга бўлган ҳис-туйғуси ва ўйинларга тайёргарликдан ташқари, жамоага яқинлиги. У футболчиларга қандай муносабатда бўлишни, ҳар бирига қандай ёндашишни билади.
У янги футболчиларни жамоага таклиф қилди – ҳатто Аргентиналик футбол мухлислари яхши танимаган футболчиларни ҳам. Улар қаерда ўйнашига қарамасдан, уларни кузатади.
Бу барча аргентиналик футболчиларни мотивация қилади. Улар билишади: агар яхши ўйнашса, терма жамоага чақирилишлари мумкин.
Бу қўшимча рағбатдир. Буларнинг барчаси Скалонининг хизматидир.
У характерли футболчи эди. Ҳозир эса анча жиддийроқ.
Лекин терма жамоадаги ҳамкасбимиз сифатида у бутунлай бошқача эди. Доим ҳазиллашарди, ҳеч қачон тўхтамасди.
У ёш футболчилар билан бирга бўлар эди. Мен ҳамиша у билан ҳазиллашаман.
Айтяпман: '2006-йилги Жаҳон чемпионатида мени роса қийнгансан.' У эса жавоб беради: 'Бу ёлғон.' Мен эса: 'Сен шунчаки эслашни истамайсан, лекин мен аниқ эслайман.' У жамоага яқин бўлган, ҳар бир футболчи билан суҳбатлашган ва уларни яхши билган. Мураббий бўлганидан кейин ҳам бизнинг мулоқотимиз ўша даражада қолди.
У жуда очиқ: ҳар бир футболчига нима дейиш кераклигини аниқ айтади. Ўйинларга ажойиб тайёргарлик кўради, рақибларни ўрганади ва бизда қаерда муаммолар пайдо бўлишини аниқлайди.
У ҳайратланарли инсон," – деди Месси ESPN'га берган интервьюсида. Лионель Скалонининг бош мураббийлиги остида Аргентина терма жамоаси 2022-йилда Жаҳон чемпионатида ғолиб чиқди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
