Винисиус Жуниор ва Хаби Алонсо ўртасидаги муносабатлардаги таранглик энди йўқ. Бу ҳақда жума куни AS нашрида эълон қилинган материалда хабар берилган.
"Реал"нинг сўнгги учта ўйинида Винисиус Килиан Мбаппе билан ҳужум жуфтлигини ташкил этди. Бу позиция бразилиялик футболчини айрим ҳимоя вазифаларидан озод қилди ва футболчи ўзининг роли энди мақомига мос эканлигини ҳис қилмоқда.
"Винисиус яна ўз ўйини жамоа тизимига идеал даражада мос келаётганини ҳис қилмоқда", - дейилади мақолада. Бильбаода Винисиус ва Хаби Алонсонинг самимий қучоқлашуви мураббий ва футболчи ўртасидаги муносабатлар яхши эканлигини тасдиқлайди.
Энди "Реал"га Винисиус билан шартномани узайтириш бўйича келишувга эришиш осонроқ бўлади. Амалдаги шартнома 2027-йил ўртасигача мўлжалланган.
Меҳмон гуруҳидаги фойдаланувчилар ушбу мақолага изоҳ қолдира олмайди.
