АҚШда 2026 йилги Жаҳон чемпионати учун интизорлик билан кутилган қуръа ташлаш маросими ўтказилди. Миллионлаб футбол ихлосмандлари диққат-қизиқиш билан кузатган тадбирда барча 12 гуруҳнинг таркиби маълум қилинди. Мусобақа шакли иқтисодан катта бўлгани боис, ҳар бир гуруҳда жиддий рақобат, кескин тўқнашувлар ва кутилмаган сенсациялар кутилмоқда.
Қуръа натижаларига кўра Мексика, АҚШ ва Канадада ўтказиладиган Мундиалнинг ҳар бир гуруҳи ўзига хос драматизм ва интрига билан тўлди.
- А гуруҳида мезбонлардан бири — Мексика ЖАР ва Жанубий Корея каби тажрибали рақиблар билан бирга. Шунингдек, плей-офф саралашидан келадиган Дания, Шимолий Македония, Чехия ёки Ирландия ҳам бу гуруҳни янада қийинлаштириши турган гап.
- B гуруҳида Канада хавфли рақиблар билан тўқнаш келади. Италия, Уэльс, Босния ёки Шимолий Ирландиядан бири ҳамда Қатар ва Швейцария билан жанг қилиш осон бўлмайди.
- C гуруҳида Бразилия етакчи сифатида майдонга чиқади. Марокашнинг тиш қайраган таркиби, Гаити ва Шотландиянинг ўйин услуби ҳам қизиқарли беллашувлар беради.
- D гуруҳида АҚШ Парагвай, Австралия ҳамда Тўртинчи саватдан келадиган Туркия, Руминия, Словакия ёки Косово билан рақобатлашади. Бу гуруҳ турнирнинг энг динамикларидан бири бўлиши мумкин.
- E гуруҳи Германия атрофида шаклланди — Кюрасао, Кот-д’Ивуар ва Эквадорга қарши ўйинлардан жуда кўп эмоция кутиш мумкин.
- F гуруҳида Нидерландия ва Япония етакчи сифатида кўриняпти. Украина, Швеция, Польша ёки Албаниядан келадиган жамоа ҳам вазиятни бутунлай ўзгартириб юбориши мумкин. Тунис эса кутилмаган натижаларга қодир рақиб.
- G гуруҳида Бельгия фаворит. Миср, Эрон ва Янги Зеландия эса ҳар бир очко учун қаттиқ кураш олиб боради.
- H гуруҳи Испания бошчилигида шаклланди. Кабо-Верде, Саудия Арабистони ва Уругвай билан тўқнашувлар ўта қизғин ўтиши турган гап.
- I гуруҳи Франция етакчилигида. Сенегал ва Норвегия жуда хавфли, Ироқ, Боливия ёки Суринамдан бири эса гуруҳ динамикасини кескин ўзгартиради.
- J гуруҳида Аргентина фаворит сифатида қайд этилмоқда. Жазоир, Австрия ва Иордания ҳам ўз номини қайд этишga интилган жамоалар.
- K гуруҳи – ўзбекистонлик мухлислар учун энг муҳим гуруҳ. Португалия ва Колумбия билан бирга шаклланган бу квартетга Конго, Ямайка ёки Янги Каледониядан бири қўшилади. Ўзбекистон терма жамоаси кучли рақибларга қарши ўз сўзини айтиши ва плей-офф учун курашиши кутиляпти.
- L гуруҳи Англия ва Хорватия етакчилигида. Гана ва Панама эса ғалаба учун бор имкониятини ишга солиши аниқ.
Қуръа натижалари яна бир бор нишонладики, ЖЧ-2026 таркиби исталган жамоа учун енгил кечмайди. Ҳар бир гуруҳда рақобат кучли, ҳар бир баҳс эса ўта драматик бўлиши тайин. Мухлислар эса аллақачон мусобақанинг бошланишини интиқлик билан кутмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
