Саудия Арабистони терма жамоаси бош мураббийи Эрве Ренар Аргентинанинг келаётган жаҳон чемпионатидаги имкониятлари ҳақида фикр билдирди. "Албиселесте" жамоаси ўтган мундиалда ғолиб бўлди, гарчи мусобақани муваффақиятсизлик билан бошлаган бўлса-да: гуруҳ босқичининг биринчи ўйинида Аргентина Саудия Арабистонига 1:2 ҳисобида мағлуб бўлганди.
"Аргентинанинг яна жаҳон чемпионлигини қўлга киритиш учун жуда яхши имкониятлари бор. Мен 2022-йилда айтган гапларимни такрорламайман, чунки мусобақага ҳали анча вақт бор.
Лекин ўшанда улар муваффақиятга эришиши мумкинлигини ҳақиқатдан ҳам ҳис қилгандим. Баъзан турнирни ёмон бошлаш жамоага фойда беради, уларни уйғотади – айнан шу нарса аргентиналиклар билан Қатарда содир бўлди", – деди Ренар Dsports нашрига берган интервьюсида.
2026-йилги жаҳон чемпионатида Лионель Скалони жамоаси Австрия, Жазоир ва Иордания билан бир гуруҳда ўйнайди. Саудия Арабистони эса Испания, Уругвай ва Кабо-Верде терма жамоалари билан бир квартетда иштирок этади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
