Жума куни ЖЧ-2026 гуруҳ босқичларига қуръа ташлаш маросими бўлиб ўтди. Тадбир чоғида ғалати ҳолат юз берди: Аргентина терма жамоаси бош мураббийи Лионель Скалони Жаҳон чемпионати кубогига тегишдан олдин қўлқоп кийишга чақирилди.
Ташкилотчилар эҳтимол уни танимаган бўлишлари мумкин. Маълумки, Жаҳон чемпионати кубогига фақат уни қўлга киритган шахслар тегиши мумкин.
Скалони эса 2022-йилда Аргентина билан чемпионликни қўлга киритган эди. Кейинги куни ФИФА расмий тадбир ташкил қилди ва унда Скалони саҳнага таклиф қилинди.
У бу сафар қўлқопсиз кубокни ушлади. ФИФА президенти Жанни Инфантино ушбу вазиятга изоҳ бериб, шундай деди: "Мен ФИФА номидан узр сўрайман.
Албатта, Жаҳон чемпионлари кубокни ушлашга ҳақли. Чемпион бўлганингиздан кейин сиз ҳар куни ёшроқ кўринасиз." Скалони эса вазиятни ҳазил билан қабул қилиб, "Ўйлайманки, кеча мени кимдир бошқа одамга адаштирган ва кубокни ушлашга рухсат бермаган," деди.
Меҳмон гуруҳидаги фойдаланувчилар ушбу мақолага изоҳ қолдира олмайди.
