Модрич - Рейндерснинг ўрнига муносиб танлов

Собиқ югославия ва чорногориялик футболчи Деян Савичевич Лука Модричнинг ўйинларини юқори баҳолади. Ёзда Мадриднинг "Реал" клубидан "Милан"га кўчиб ўтган Модрич ўзининг катта ёшига қарамай, энергияси билан барчани ҳайратга солмоқда.

Савичевич Модрични Англия Премьер-лигасига йўл олган Тиджани Рейндерснинг ўрнига муносиб ўринбосар деб ҳисобламоқда. "У 15 йилдан бери энг юқори даражада ўйнаб келмоқда, унинг ажойиб футбол кўз қараши ва ўйинни чуқур англаш қобилияти бор.

У жамоани ҳаракатга келтиради. Менимча, Рейндерс сотилгандан кейин Модрич - унинг ўрнига энг яхши танлов", - дейди Савичевич pianetamilan.it нашрига берган интервьюсида.

Эслатиб ўтамиз, "Милан" Италия чемпионатида турнир жадвалида етакчиликни қайта қўлга киритди.