Жанубий Африкада бўлиб ўтаётган Freestyle Chess Grand Slam нуфузли мусобақасида ўзбекистонлик суперталант Жавоҳир Синдоров яна бир бора тарихга муҳр босди. У айланма босқичда жаҳоннинг собиқ чемпиони Магнус Карлсенни мағлуб этиб, турнирнинг энг кучли қатнашчиси сифатида плей-оффда рақиб танлаш ҳуқуқини қўлга киритди.
Турнирнинг финал босқичи доирасидаги илк турда Жавоҳир оқ доналарда Магнус Карлсенга қарши кескин ва юксак даражадаги ўйин намойиш этди. Устун стратегия, аниқ ҳисоб ва босим остида хато қилмаслик — айнан шу омиллар натижани белгилади ва Синдоров норвегиялик супер гроссмейстерни яна бир бор мағлуб этишга муваффақ бўлди.
Бу ғалаба Жавоҳирнинг Карлсен устидан фаолияти давомида қайд этган иккинчи йирик ютуғи бўлиб, ўзбекистонлик шахматчи учун янги босқичнинг рамзига айланди.
Айланма (round-robin) босқич якунига кўра, Синдоров жами тўплаган очколарда барча рақибларини ортда қолдирди ва саралаш босқичини мутлақ етакчи сифатида якунлади. Бу натижа унга плей-офф — чорак финалда — рақибини биринчи бўлиб танлаш имконини беради. Шубҳасиз, бу қулайлик шахмат борадиган йўлда муҳим устунлик ҳисобланади.
Чорак финал баҳслари бугун старт олади. Мусобақанинг ҳал қилувчи босқичларида жаҳоннинг энг кучли гроссмейстерлари тўқнаш келади. Мутахассислар ва мухлислар эса Жавоҳир Синдоровдан яна бир тарихий қадам, янги юриш ва янги юксак ютуқларни кутмоқда.
Ўз ўйини билан у нафақат карьерасининг энг яхшиларидан бирига айланяпти, балки ўзбек шахмати нуфузини глобал саҳнада янги поғонага олиб чиқмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
