Собиқ инглиз футболчиси Даниел Старридж “Ливерпул” ҳужумчиси Муҳаммад Салоҳ билан боғлиқ вазият ҳақида фикр билдирди. Маълумки, “қизиллар” Салоҳнинг асосий таркибдаги ўрнини йўқотиши ва бунинг ортидан у томонидан билдирилган жанжалли баёнотлар сабабли у билан хайрлашиши мумкин.
33 ёшли футболчи ўз баёнотида клуб уни “айбдор” қилиб кўрсатаётганини ва бош мураббий Арне Слот билан муносабатлари ёмонлашганини таъкидлаган эди. Старриджнинг сўзларига кўра, Салоҳ унга қуйидагиларни айтган: "Мен ушбу клубни севаман.
Уни тарк этишни хоҳламайман, лекин ўйнашни истайман". Ушбу сўзларни Старридж The Touchline нашрига берган интервьюсида маълум қилди.
Эслатиб ўтамиз, Муҳаммад Салоҳ жорий йилнинг апрель ойида “Ливерпул” билан 2027 йилгача мўлжалланган янги шартнома имзолаган эди.
Меҳмон гуруҳидаги фойдаланувчилар ушбу мақолага изоҳ қолдира олмайди.
