19 ёшли "РБ Лейпциг" клуби вингери Ян Диоманде Европанинг энг кучли клублари эътиборини тортди. Журналист Экрем Конур хабарига кўра, "Ливерпуль" ва "Манчестер Сити" футболчининг ўсишини яқиндан кузатмоқда.
Шунингдек, "Арсенал", "Челси", "Бавария", "ПСЖ", "Барселона" ва Мадриднинг "Реал" клублари ҳам Диомандега қизиқиш билдирмоқда. Ўтган ҳафтада Диоманде "Айнтрахт" дарвозасига хет-трик қайд этди.
Германия чемпионатининг 13-турида "РБ Лейпциг" 6:0 ҳисобида ғалаба қозонди ва Диоманде Бундеслигада 1965 йилдан буён энг ёш хет-трик муаллифи бўлди. Ушбу мавсумда ҳужумчи барча мусобақаларда 15 ўйинда майдонга тушиб, 7 та гол урди ва 4 та голли узатма амалга оширди.
Трансфермаркт мутахассислари Кот-д'Ивуар футболчисининг нархини 20 миллион евро деб баҳоламоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
