Арсенал клуби вингери Нони Мадуэке Чемпионлар лигаси доирасида Брюгге устидан қўлга киритилган 3:0 ҳисобидаги ғалабадан сўнг интервью берди. Англиялик футболчи ушбу ўйинда дублга эришиб, учрашувнинг энг яхши футболчиси деб топилди.
"Менимча, биз Чемпионлар лигасини ҳам, Англия Премьер-лигасини ҳам ютишимиз мумкин. Бу бизнинг асосий мақсадимиз бўлиши керак.
Ҳозирда яхши позициядамиз, шунинг учун шу руҳда давом этишимиз лозим. Бизнинг жамоамиз жуда жипс.
Арсеналда юқори даражадаги футболчилар тўп сурадилар, бироқ муҳим нарса - бу жамоавий ҳаракатлар, алоҳида ижрочилар эмас. Ҳар бир футболчи ўз ролини яхши билади", – деди Мадуэке УЕФА матбуот хизматига берган интервьюсида.
"Канонирлар" умумий босқичда ўтказилган олти турдан кейин 18 очко билан турнир жадвалида биринчи ўринни эгаллашмоқда.
