Transfermarkt портали 2025 йил учун Испания Ла Лигаси футболчиларининг янги трансфер нархларини эълон қилди. Энг қиммат футболчилар қаторида “Реал Мадрид”нинг Килиан Мбаппе ҳамда “Барселона”да Ламин Ямаль эгаллаб турибди. Франция терма жамоасининг ҳужумчиси Мбаппенинг трансфер нархи 20 миллион еврога ошган ва 200 миллион еврога етган. Кейинги поғоналарда “Реал Мадрид” футболчилари Жуд Беллингем (160 млн евро) ва Винисиус Жуниор (150 млн евро) қайд этилган.
Transfermarkt маълумотига кўра, Ла Лиганинг энг қиммат футболчилари рўйхати:
-Ламин Ямаль (“Барселона”) — 200 млн евро
-Килиан Мбаппе (“Реал Мадрид”) — 200 млн евро
-Жуд Беллингем (“Реал Мадрид”) — 160 млн евро
-Винисиус Жуниор (“Реал Мадрид”) — 150 млн евро
-Педри (“Барселона”) — 140 млн евро
-Федерико Вальверде (“Реал Мадрид”) — 120 млн евро
-Хулиан Алварес (“Атлетико”) — 100 млн евро
-Арда Гюлер (“Реал Мадрид”) — 90 млн евро
-Рафинья (“Барселона”) — 80 млн евро
-Пау Кубарси (“Барселона”) — 80 млн евро
Шу тариқа, Мбаппе, Эрлинг Ҳоланд ва Ламин Ямаль дунёнинг энг қиммат футболчиларидан ҳисобланади. Мбаппенинг нархи “ПСЖ” клубида ҳам 200 миллион еврога етган эди.
Килиан Мбаппе ҳозирда 26 ёшда ва 2024 йилдан бери “Реал Мадрид” сафида иштирок этмоқда. У 80 та ўйин ўтказиб, 69 та гол урган ва 9 та голли узатма берган. Франция терма жамоасида 2018-йилги жаҳон чемпионлигини қўлга киритган, 2022-йилги мундиалда эса кумуш медалга сазовор бўлган.
Жорий мавсумда Мбаппе 24 ўйинда 26 гол урган ва Европа Чемпионлар Лигаси ва Ла Лига тўпурарлари рўйхатида биринчи ўринда бормоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
