Англия чемпионатининг 16-турида "Ливерпул" ўз майдонида "Брайтон"ни қабул қилади. Мерсисайд жамоаси "Энфилд" стадионида мезбонлик қилади.
Учрашув олдидан жамоаларнинг тахминий таркиблари эълон қилинди. "Ливерпул" таркиби: Алиссон (дарвозабон), Керкез, ван Дейк, Конате, Жо Гомес, Кёртис Жонс, Гравенберх, Вирц, Мак Аллистер, Собослаи, Экитике.
"Брайтон" таркиби: Вербрюгген (дарвозабон), де Кейпер, Данк, ван Хекке, Виффер, Хиншелвуд, Балеба, Кадыоглу, Рюттер, Минте, Уэлбек. "Ливерпул" сафида жиддий йўқотишлар бор: Жованни Леони, Коди Гакпо, Ватару Эндо жароҳат туфайли майдонга туша олмайди.
Жереми Фримпонг ва Александер Исакнинг иштироки шубҳа остида, Конор Брэдли эса дисквалификация қилинган. "Брайтон"да эса Адам Уэбстер, Стефанос Цимас, Соломон Марч жароҳат олган.
Томас Уотсон ва Жеймс Милнернинг ҳолати ўйиндан олдин аниқланади. Шунингдек, "Ливерпул" бош мураббийи Арне Слот ва ҳужумчи Муҳаммад Салоҳ ўртасида келишмовчилик юзага келгани ва улар музокаралар ўтказгани маълум қилинди.
Матбуот хабарларига кўра, томонлар муаммоларни ҳал қилишга яқинлашган, лекин ҳали баъзи тафсилотлар очиқланмаган. Салоҳнинг эҳтимолий таркиби ҳақида гапирилар экан, у захирада бошлаши ва кейинчалик захирадан майдонга тушиши кутилмоқда.
15-турда "Ливерпул" "Лидс" билан 3:3 ҳисобига дуранг ўйнаган бўлса, "Брайтон" "Вест Хэм" билан 1:1 ҳисобига дуранг натижа қайд этди. Чемпионлар Лигаси доирасида эса "Ливерпул" сафарда "Интер"ни 1:0 ҳисобига мағлуб этди.
"Ливерпул" ва "Брайтон" ўртасидаги ўйин бугун, 13-декабр куни, Тошкент вақти билан соат 20:00 да "Энфилд" стадионида бошланади. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
