Англия чемпионатининг 16-тури доирасида Лондоннинг жанубида Кристал Пэлас Манчестер Сити билан куч синашади. Учрашув олдидан жамоаларнинг эҳтимолий бошланғич таркиблари келтирилди.
Кристал Пэлас: Хендерсон (дарвозабон), Митчелл, Гехи, Лакруа, Ричардс, Клайн, Камада, Уортон, Пино, Сарр, Матета. Манчестер Сити: Доннарумма (дарвозабон), О'Райли, Гвардиол, Диаш, Матеус Нунес, Нико Гонсалес, Доку, Фоден, Шерки, Силва, Холанд.
Кристал Пэлас сафида Даниэль Муньос, Рио Кардинес, Калеб Клорха, Шейк Дукуре ва Чади Риад жароҳат олган. Шунингдек, “бургутчилар”да Жейде Канво, Исмаила Сарр ҳамда Жан-Филипп Матетанинг майдонга тушиши номаълум.
Манчестер Ситида Родри ва Матео Ковачич жароҳати сабаб сафдан чиққан. “Осмонранглар” ҳимоячиси Жон Стоунзнинг иштирокӣ ҳам шубҳа остида: у Янги йил арчасини безаш чоғида жароҳат олгани айтилаётгани қайд этилмоқда.
Ўтган турда Кристал Пэлас Фулхэмни 2:1 ҳисобида мағлуб этди, Манчестер Сити эса Сандерленддан 3:0 устун келди. Турнир жадвалида “бургутчилар” “шаҳарликлар”дан 5 очко ортда бормоқда.
Кристал Пэлас ва Манчестер Сити бугун, 14-декабр куни Селхерст Парк стадионида ўзаро баҳс олиб боради. Учрашув Москва вақти билан 17:00 да бошланади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
