Англия Лига кубогининг яримфинал босқичи учун қуръа ташланди ва мусобақанинг ҳал қилувчи палласи аста-секин яқинлашмоқда. Айни пайтга келиб яримфиналнинг уч нафар иштирокчиси аниқ бўлиб улгурган, тўртинчи жамоа эса 23 декабрь куни маълум бўлади.
Сўнгги йўлланма учун «Арсенал» ҳамда «Кристал Пэлас» ўртасида кескин баҳс бўлиб ўтади. Мазкур тўқнашув қайси жамоа «Челси»га рақиб бўлишини ҳал қилиб беради.
Қуръа натижаларига кўра, яримфиналда қуйидаги жуфтликлар шаклланди:
— «Челси» – «Арсенал» / «Кристал Пэлас»
— «Нюкасл» – «Манчестер Сити»
Футбол мухлисларини айниқса «Нюкасл» ва «Манчестер Сити» ўртасидаги беллашув катта қизиқиш билан кутмоқда. Ҳар икки жамоа ҳам жорий мавсумда барқарор ўйин намоён этиб келаётгани билан ажралиб туради.
Маълум қилинишича, яримфиналнинг илк учрашувлари 12 январ куни ўтказилади. Жавоб баҳслари эса 2 февраль санасига белгиланган. Икки ўйин натижаларига кўра финалга чиққан жамоалар аниқланади.
Шу тариқа, Лига кубоги соврини учун кураш янада қизиқарли босқичга қадам қўйди. Мухлисларни олдинда юқори суръат, кескин дуэллар ва ҳақиқий футбол драмаси кутиб турибди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
