Мадриднинг «Реал Мадрид» клуби афсонаси Криштиану Роналду жамоанинг ҳозирги ҳужумчиси Килиан Мбаппе томонидан ўз рекорди такрорланганига муносабат билдирди.
Ла Лига 17-тури доирасида "Севилья"га қарши ўтказилган баҳсда (2:0) Мбаппе 2025 йил календар йилида “қироллик клуби” сафида 59-голини урди. Шу билан у Криштиану Роналдунинг 2013 йилда қайд этган натижасига тенглашди.
Учрашувдан кейин франциялик юлдуз ижтимоий тармоқларда пост жойлаб, португалиялик афсонага бўлган ҳурматини очиқ ифодалади. Роналду эса жавобан икки рамз — қўл кўтариш ва олов белгиси билан изоҳ қолдириб, Мбаппенинг ютуғини эътироф этди. Бу ишоралар мухлислар томонидан катта илиқлик билан қабул қилинди.
Қайд этиш жоиз, Ла Лига тарихида бир календарь йилда энг кўп гол уриш бўйича мутлақ рекорд бошқа бир афсонага тегишли. Бу натижа собиқ «Барселона» ҳужумчиси Лионель Мессига мансуб бўлиб, у 2012 йилда 91 марта рақиблар дарвозасини ишғол қилган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
