«Тоттенҳэм» «Манчестер Сити» ҳужумчисини ижарага олмоқчи

«Манчестер Сити»нинг марказий ҳужумчиси Омар Мармуш Лондоннинг «Тоттенҳэм» клубига ўтиши мумкин. TEAMtalk хабарига кўра, «шпорлар» Мармушни январда «Борнмут» футболчиси Антуан Семеньо учун муқобил вариант сифатида жиддий кўриб чиқмоқда.

Кутилишича, «Тоттенҳэм» мисрлик футболчини сотиб олиш ҳуқуқи билан ижарага олишга уринади. Жорий мавсумда 26 ёшли Мармуш барча мусобақаларни ҳисобга олганда 15 та ўйинда майдонга тушди, 1 та гол урди ва 1 та голли узатма берди.

Transfermarkt маълумотларига кўра, ҳужумчининг бозор қиймати 65 миллион еврoни ташкил этади.