Дубайда бўлиб ўтган Globe Soccer Awards маросимида сербиялик теннисчи Новак Джокович махсус мукофот билан тақдирланди. Бу ҳақда euro-football.ru хабар беради.
24 карра “Катта шлем” чемпиони Globe Sports Award йўналишида йилнинг энг яхши спортчиси деб топилди. Совринни унга “Ал-Наср” ҳужумчиси Криштиану Роналду топширди.
Джокович ушбу эътироф у учун кутилмаган бўлганини айтиб, мукофотни жаҳон футболининг энг йирик юлдузларидан бири қўлидан олгани рамзий маъно касб этганини таъкидлади.
Маросимда Роналду ҳам Джоковичнинг ютуқларини юқори баҳолади. Португалиялик футболчи серб теннисчисини профессионал даражадаги узоқ умр ва барқарорлик намунаси деб атаб, уларнинг спорт йўли ўхшаш жиҳатларга эга эканини қайд этди. Роналду фикрича, Джокович бу мукофотга тўлиқ муносиб.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
