«Тоттенҳэм» марказий ҳимоячиси Микки ван де Вен якунланаётган йил натижаларини сарҳисоб қилди ва келаётган мавсум олдидан жамоа олдидаги вазифалар ҳақида фикр билдирди. Бу ҳақда euro-football.ru хабар беради.
Лондон клуби учун 2025 йил воқеаларга бой бўлди: «шпорлар» ўтган АПЛ мавсумини 17-ўринда якунлади, бироқ Европа Лигасида чемпионликни қўлга киритди. Оралиқ танаффусда бош мураббий Анже Постекоглу ишдан олинди, Томас Франк қўл остида эса барқарорлик ҳануз топилмади — 18 турдан кейин жамоа АПЛда 11-поғонада бормоқда.
Ван де Вен Sky Sports’га берган интервьюсида 2026 йилда «Тоттенҳэм» энг аввало ўйин ва натижаларда изчилликни кучайтириши кераклигини таъкидлади: жамоа жуда кўп марта кескин кўтарилиш ва пасайишларни бошдан кечирмоқда. Унинг айтишича, асосий мақсад — яна еврокубоклар йўлланмасини қўлга киритиш, чунки «Тоттенҳэм» у ерда ўйнаши шарт. Шунингдек, жамоа Англия Кубоги учун ҳам курашади ва Чемпионлар лигасидаги иштирокини давом эттирмоқда.
1 январ куни «шпорлар» сафarda «Брентфорд»га қарши майдонга тушади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
