Ўзбекистон миллий терма жамоаси бош мураббийи Фабио Каннаваро терма футболчиларининг ҳолатини яқиндан ўрганиш мақсадида БААга ташриф буюрди. Италиялик мутахассис БАА Про лигасининг 10-тури доирасида бўлиб ўтган Ал Дафра — Бани Яс учрашувини стадиондан туриб томоша қилди.
Каннаваро мазкур баҳсда Ўзбекистон миллий терма жамоаси аъзолари — Отабек Шукуров ва Акмал Мозговойнинг ўйинига алоҳида эътибор қаратди. Устоз учун бу сафар терма жамоа учун номзод ҳисобланган футболчиларнинг жорий формаcини баҳолашда муҳим аҳамият касб этди.
Учрашув «Бани Яс» жамоасининг ишончли 2:0 ҳисобидаги ғалабаси билан якунланди. Отабек Шукуров баҳсни асосий таркибда бошлаб, жамоасининг иккинчи голига самарали узатма муаллифи бўлди ва майдон марказида фаол ҳаракат қилди. Акмал Мозговой эса иккинчи бўлимда захирадан ўйинга қўшилиб, ўйин суръатини сақлаб қолишда ҳисса қўшди.
Бундай кузатувлар Фабио Каннаваронинг миллий терма жамоа учун рақобатбардош ва тайёр футболчиларни шакллантиришга жиддий ёндашаётганини кўрсатади. Мухлислар эса БААда тўп сураётган ўзбекистонлик легионерларнинг ўйини терма жамоада ҳам ўз самарасини беришидан умидвор.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
