«Ливерпул» бош мураббийи Арне Слот «Лидс»га қарши ўйин олдидан бўлиб ўтган матбуот анжуманида Флориан Виртснинг Англияга мослашуви ва майдондаги ҳолати ҳақида фикр билдирди. Бу ҳақда euro-football.ru хабар беради.
Слотнинг таъкидлашича, бошқа мамлакатга кўчиб ўтиш футболчининг ҳаёт тарзини тубдан ўзгартиради ва бундай пайтда мослашиш учун вақт керак бўлиши мумкин. Мураббийлар учун бу жараён нисбатан енгилроқ кўринса-да, майдонга тушадиган футболчилар учун ҳамма нарса бир зумда ўзгариб кетишини у яхши тушунишини айтди.
Мутахассисга кўра, чет элдан келган ўйинчилар учун энг катта синов — Англия чемпионатининг юқори интенсивлиги. Слот Виртсни ўйиндан ёмон ўйнагани учун эмас, балки у деярли югуришни давом эттира олмай қолганини кўриб алмаштирганини алоҳида қайд этди.
Эслатиб ўтамиз, Виртс ўтган ёзда Леверкузеннинг «Байер» клубидан 125 миллион евроға «Ливерпул»га ўтган. У жорий мавсумдаги 22 учрашувда 6 та голли узатма муаллифи бўлди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
