Англия Премьер-лигасининг 20-тури доирасида «Вест Ҳем» «Вулверҳемптон»га йирик имконият совға қилди. «Бўрилар» бу мавсумдаги илк ғалабасини айнан лондонликлар устидан қўлга киритди. Бу ҳақда euro-football.ru хабар беради.
Учрашувдан кейин «Вест Ҳем» ярим ҳимоячиси Константинос Мавропанос мухлисларга мурожаат қилиб, жамоа ўйинидан норози бўлишларини тушунишини билдирди.
«Мухлисларнинг ранжишини тушунаман, айниқса биз жуда осон иккита гол ўтказиб юборганимизда. Биринчи бўлимни ёмон ўтказдик, иккинчисида вазиятни тузатишга уриндик, аммо деярли ҳеч нарса ярата олмадик. Қўшимча айтадиган гапим йўқ», — дея футболчининг сўзларини BBC Sport келтирди.
Кейинги турда «Вест Ҳем» бугунги кунда омадсиз чиққан жамоалардан бири — «Ноттингем Форест»га қарши майдонга тушади.
“Zamin”ни Telegram'да ўқинг!
