Аввалроқ "Милан" сафида тўп сурган Эмерсон Роял яна Италия А Сериясига қайтиши эҳтимоли бор. Мавсумнинг иккинчи ярмида лигада қолиш учун курашаётган "Фиорентина" бразилиялик футболчини ўз сафига қўшиб олиш вариантини кўриб чиқмоқда. Бу ҳақда euro-football.ru хабар беради.
"Милан" Эмерсон Роялни 16 миллион евроға трансфер қилган, бироқ кейинроқ уни деярли икки баробар арзон — 9 миллион евро атрофидаги сумма эвазига "Фламенго"га сотишга мажбур бўлган. Трансферлар бўйича инсайдер Экрем Конур хабарига кўра, энди "Фиорентина" футболчига қизиқиш билдирмоқда, аммо музокараларнинг аниқ тафсилотлари ҳозирча очиқланмаган.
Манба яна бир эҳтимолий йўналишни ҳам тилга олди: испаниялик "Валенсия" ҳам собиқ "Тоттенхем" футболчисини ўз таркибига таклиф қилиш масаласини муҳокама қилаётгани айтилмоқда.
“Zamin”ни Telegram'да ўқинг!
