Мадриднинг «Атлетико» клуби ҳужумчиси Александр Сёрлот «Ювентус»нинг диққат марказига тушди. Бу ҳақда euro-football.ru хабар беради.
30 ёшли норвегиялик футболчи «матрасчилар»нинг асосий таркибида доимий ўрин эгалламаган ва қишки трансфер ойнасида жамоасини ўзгартириши мумкин. Журналист Экрем Конур хабарига кўра, «қари синьора» уни сафига қўшиб олиш вариантини кўриб чиқмоқда. Сёрлотга Туркиянинг «Фенербахче» ҳамда Саудия Арабистонининг «Ал-Ҳилол» клублари ҳам қизиқиш билдирмоқда.
«Атлетико» раҳбарияти ҳужумчини сотишдан тахминан 35 миллион евро ишлаб олишни мўлжалламоқда. «Ювентус» учун эса футболчининг маош борасидаги юқори талаблари музокараларда жиддий тўсиққа айланиши мумкин. Жорий мавсумда Сёрлот Диего Симеоне жамоаси сафида 22 учрашувда майдонга тушиб, 5 гол урди.
“Zamin”ни Telegram'да ўқинг!
