«Лечче»нинг марказий ҳимоячиси Тягу Габриэл Европанинг етакчи клублари эътиборига тушди. Foot Mercato хабарига кўра, 21 ёшли футболчининг ўйинларини «Барселона» ва «Бавария» синчковлик билан кузатиб бормоқда, шунингдек, у Саудия Арабистонининг «Неом» клуби учун ҳам қизиқарли номзод ҳисобланади. Бу ҳақда euro-football.ru хабар беради.
Италия клуби эса январ ойида футболчини қўйиб юборишни истамаяпти ва уни камида мавсум охиригача таркибда сақлаб қолишга қатъий бел боғлаган. «Лечче» раҳбарияти фақат жуда катта, рад этиб бўлмайдиган таклиф келган тақдирдагина фикрини ўзгартириши мумкин.
Transfermarkt маълумотларига кўра, Тягу Габриэлнинг тахминий нархи 15 миллион еврога баҳоланмоқда. У жорий А Серияси мавсумида «Лечче» сафида 17 та учрашувда майдонга тушиб, битта гол муаллифи бўлган.
“Zamin”ни Telegram'да ўқинг!
