«Барселона» вингери Рафиня бўйича жуда йирик таклиф олди. Fichajes El Nacional’га таяниб хабар беришича, Саудия Арабистонининг «Ал-Ҳилол» клуби Жоау Канселу бўйича музокаралар фонида бразилиялик футболчи учун 100 миллион евро таклиф билан чиқди. Бу ҳақда euro-football.ru хабар беради.
Манбаларга кўра, «Ал-Ҳилол» 80 миллион еврoни кафолатланган тўлов сифатида, қолган 20 миллионни эса бонуслар кўринишида беришга тайёр. «Барселона» эса сумма катталигини инобатга олиб, таклифни эҳтиёткорлик билан кўриб чиқмоқда.
Шунингдек, саудия клуби Рафиняга жуда юқори маош таклиф қилишни режалаштирмоқда. Жамоа бош мураббийи Симоне Индзаги ҳам трансфер ғоясини маъқуллагани айтилибди.
Қайд этилишича, Рафиня ва «Барселона» ўртасида футболчи катта таклиф тушган тақдирда клубдан кетиши мумкинлиги бўйича келишув ҳам бор.
“Zamin”ни Telegram'да ўқинг!
