Германия Бундеслигасида «Санкт-Паули» — «РБ Лейпциг» учрашуви расман қолдирилди. Бу ҳақда «буқалар» матбуот хизмати маълум қилди. Бу ҳақда euro-football.ru хабар беради.
Ўйин 10-январ куни ўтказилиши режалаштирилган эди, бироқ Гамбургдаги кучли қор ёғиши сабаб стадион беллашувни қабул қила олмайди. «Санкт-Паули» клубининг «МиллернТор» аренаси ҳудудий расмийлар билан маслаҳатлашувлардан сўнг ёпилди.
Сўнгги кунларда Германиянинг бир қатор ҳудудларида ёғингарчилик кескин кучайди. Айниқса, табиий офатдан мамлакатнинг шимолий ерларида вазият оғирлашгани қайд этилди.
Кўчирилган баҳснинг янги санаси кейинроқ эълон қилинади. Ҳозир «Санкт-Паули» 16-ўринда бориб, лигада қолиш учун курашмоқда, Лейпциг клуби эса тўртинчи поғонада туриб, кейинги мавсум Чемпионлар лигаси йўлланмаси учун рақобат олиб бормоқда.
“Zamin”ни Telegram'да ўқинг!
