Эдоардо Бове Англияда майдонга қайтишни режалаштирмоқда

Ўтган йил кузида ҳам бу ҳақда хабар бергандик: 2024 йил декабрида ўйин пайтида юраги тўхтаб қолган Эдоардо Бове футболга қайтишга жиддий киришган. Бироқ у Серия Ага ҳам, табиийки, «Фиорентина» сафига ҳам қайтмайди. Бу ҳақда euro-football.ru хабар беради.
calcionapoli1926.it маълумотига кўра, футболчининг кейинги манзили Англия бўлиши кутилмоқда — энг асосий вариант «Уотфорд». Томонлар шартнома борасида келишувга жуда яқин.
Ҳозирда «шершни» лақабли «Уотфорд» Чемпионшипда — Англиянинг кучи бўйича иккинчи лигасида — тўп сурмоқда. Жамоа турнир жадвалида 6-ўринда бормоқда ва навбатдаги ўйинда «Миллуол»га қарши майдонга тушади. Бове ўша баҳсга қадар клуб футболчисига расман айланиши эҳтимолдан холи эмас.
“Zamin”ни Telegram'да ўқинг!Ctrl
Enter
Хато топдингизми?
Иборани ажратиб Ctrl+Enter тугмасини босинг