Италия А Сериясининг 20-турида «Фиорентина» «Милан»га қарши кескин баҳс ўтказди. «Бинафшалар» ҳисобда олдинга чиқиб олган бўлса-да, учрашув якунига саноқли дақиқалар қолганида устунликни сақлаб қола олмади. Бу ҳақда euro-football.ru хабар беради.
«Фиорентина»нинг ягона голига муаллифлик қилган Пьетро Комутсо ўйиндан кейин жамоаси дурангдан кўпроғига муносиб бўлганини таъкидлади. Унинг сўзларига кўра, иккинчи бўлимдаги ўйин ва вазиятлар «бинафшалар» фойдасига эди.
«Биз деярли ғалабага тайёрланиб бўлган эдик, чунки иккинчи бўлимни жуда яхши ўтказдик ва шундай шароитда уч очко олишга лойиқ эдик. Энди тезроқ ўсишимиз керак — чемпионат чексиз эмас», — дея Комутсо фикрини келтиради pianetamilan.it.
Ҳозирда «Фиорентина» Италия чемпионати турнир жадвалида 18-ўринда бормоқда.
“Zamin”ни Telegram'да ўқинг!
