«Алания»ни бошқарган собиқ мураббий Роллан Курбис вафот этди

Француз мутахассиси Роллан Курбис 72 ёшида ҳаётдан кўз юмди. Бу ҳақда RMC Sport хабар берди. Бу ҳақда euro-football.ru хабар беради.

Курбис футболчилик фаолиятида ҳимоячи сифатида майдонга тушган ва «Марсель», «Монако» ҳамда «Олимпиакос» каби жамоаларда тўп сурган. Мураббийлик йўлини эса 1986–2016 йиллар оралиғида давом эттирди: унинг қўл остида «Марсель» 1999 йилда УЕФА кубоги финалигача етиб борган, «Бордо» 1997 йилда Лига кубоги финалида мағлуб бўлган, «Аяччо» эса 2002 йилда иккинчи лига чемпионлигини қўлга киритган.

Мутахассис хорижда ҳам ишлаган. У 2004 йилда бир неча ой Владикавказнинг «Алания» клубини бошқарган, 2013 йилда эса «USM Жазоир» билан Жазоир кубоги ва Араб чемпионлари кубогини ютган.

Шунингдек, Курбис трансферлар билан боғлиқ фирибгарлик амалиётлари бўйича икки бор қамоқда ҳам бўлган.

«ZAMIN.UZ» муҳаррири