«Ювентус» бош мураббийи Лучано Спаллетти «Кремонезе»га қарши А Сериянинг 20-тур баҳси олдидан матбуот анжуманида иштирок этди. Учрашув 12-январ куни соат 00:45 да (Тошкент вақти билан) бошланади. Бу ҳақда euro-football.ru хабар беради.
Спаллеттининг таъкидлашича, туринликлар бу ўйинда максимал даражада сифатли футбол кўрсатиши шарт. Мутахассис рақиб устози Давиде Николани юқори баҳолаб, унинг жамоалари ўйинини кўрганда А Серияни ва ўз ишини жуда яхши биладиган мураббий билан тўқнаш келаётгандек туюлишини айтди.
«Ювентус» бош мураббийи Никола одатий қолиплардан чиқишга интилишини, деярли ҳар бир ишлаган клубида ижобий натижалар қайд этганини ҳам эслатди. Спаллеттига кўра, бу омил «Кремонезе»ни «кекса синьора» учун янада хавфли рақибга айлантиради.
Ҳозирда «Ювентус» турнир жадвалида 36 очко билан бешинчи ўринда бормоқда, «Кремонезе» эса 22 очко билан 13-поғонани эгаллаб турибди.
“Zamin”ни Telegram'да ўқинг!
