Испания чемпионатининг 20-турида Элче ўз майдонида Севильяни қабул қилди. Мезбонлар кам имкониятга эга бўлса-да, улардан анча самарали фойдаланди, Севилья эса қарийб 20 га яқин зарба йўллаганига қарамай, узоқ вақт натижани ўзгартира олмади. Бу ҳақда euro-football.ru хабар беради.
Учрашувнинг 14-дақиқасида Алейш Фебас ҳисобни очиб, Элчени олдинга олиб чиқди. Биринчи бўлим охирларида Севилья яқин келиб қолди: Батиста Менди жарима майдонидан йўллаган зарбаси тўсинга тегиб қайтди, Жибрил Соу эса қулай вазиятда дарвозабоннинг сейвига дуч келди.
55-дақиқада Херман Валера мезбонларнинг устунлигини икки баробарга оширди — 2:0. Шундан кейин Севилья босимни кучайтирди: Осунинг узоқ масофадан йўллаган зарбаси тўсинни жаранглатди. 75-дақиқада Осу яна дарвоза каркасини нишонга олди, қайтган тўпни эса Акор Адамс осонлик билан дарвозага жойлаб қўйди — 2:1.
Ўйин якунида драматик эпизод юз берди: 90-дақиқада Альваро Родригес қўли билан ўйнади ва ҳакам пенальти белгилади. 11 метрлик зарбани Акор Адамс аниқ ижро этиб, ҳисобни тенглаштирди — 2:2; дарвозабон тўпга озгина етиша олмади.
Дуррангдан сўнг Элче турнир жадвалида 8-ўринни бўлишиб турибди, Севилья эса 14-поғонада, рақибдан уч очко ортда қолмоқда.
“Zamin”ни Telegram'да ўқинг!
