Мадриднинг “Реал” клуби ўнг қанот ҳимоячиси Трент Александер-Арнолд билан хайрлашиш ниятида эмас. Бу ҳақда euro-football.ru хабар беради.
Аввалроқ миш-мишларда “қироллик” клуби инглиз футболчисини сотишга тайёр экани, янги бош мураббий Альваро Арбелоа эса унга катта ишонч билдирмаётгани айтилганди. Шунингдек, 27 ёшли ҳимоячи ҳам жамоада берилаётган ролдан кўнгли тўлмаётгани ҳақида хабарлар тарқалган.
Diario AS маълумотига кўра, Арбелоа Трент билан яқинда юзма-юз суҳбат ўтказиб, у жароҳатдан сафга қайтгач жамоада “жуда муҳим” рол ўйнашини ваъда қилган. Испаниялик мутахассис “Ливерпул” тарбияланувчисига тўлиқ қўллаб-қувватлашини билдирган.
Манба таъкидлашича, “Реал” раҳбарияти ҳам Александер-Арнолдга сўзсиз ишонади ва у Испаниядаги дебют мавсумининг биринчи ярми кутилганидек чиқмаганига қарамай, ундан воз кечиш режасида эмас.
“Zamin”ни Telegram'да ўқинг!
