«Бавария» ҳимоячиси Жонатан Та Германия чемпионатининг 19-турида «Аугсбург»га қарши учрашувдаги мағлубият юзасидан фикр билдирди. Бу ҳақда euro-football.ru хабар беради.
Та ўйиндан кейин жамоа ютқазишдан мамнун бўлмаслигини таъкидлади: «Мағлубият ҳеч қачон ёқимли эмас. Биз ранжидик, аммо энг муҳими — бунга қандай жавоб қайтаришимиз. Буни тезроқ ортда қолдириб, кейинги ўйинга эътибор қаратишимиз ва майдонда ўзимизни кўрсатишимиз керак. Иккинчи бўлимда рақибимиз намойиш этган даражага мос ўйнай олмадик. Ютқаздик ва буни қабул қилишимиз шарт. Ҳозирги ғазабимизни кейинги учрашувга йўналтириб, яна маҳорат ва энергиямизни кўрсатмоқчимиз», — деди у.
Ҳозирда «Бавария» Бундеслигада 50 очко билан турнир жадвалида пешқадам бўлиб турибди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
